O club de lectura de 1º ESO estivo coordinado pola profesora de Lingua Castelá e Literatura Laura Pérez Valcárcel. Dúas alumnas e un alumno de 1º ESO acudiron ás reunións semanais na biblioteca os luns no recreo das 10:10 sen faltar nunca. Leváronse a cabo as seguintes lecturas:
- A balada dos unicornios, de Ledicia Costas (galego).
- Sirenas y otros monstruos: mujeres mitológicas que desafían el poder masculino, de Jess Zimmermann (castelán).
- Las hermanas invierno, de Jolan C. Bertrand (castelán).
Ademais, leuse unha selección de textos da mitoloxía clásica. Durante as sesións lemos en voz alta, comentamos as obras realizando unha análise e reflexión sobre as lecturas, coa posta en común das opinións e impresións.
Así mesmo, participamos no Maratón Literario Rosalía de Castro realizado no centro o día 24 de febreiro cunha mostra das nosas lecturas.
A valoración final é moi positiva: o alumnado está moi implicado e ten bo hábito lector.
Ningún comentario:
Publicar un comentario